قصة واقعية مليون بالمية يا شباب و بنات البدو ...
هي قصة صديقي وواحد عزيز على قلبي و اموت فيه و غالي غالي بالحيل ... على الرغم انه اصغر مني بالعمر ....
قصة صديقي ذا كانت شخصيته غامضة بالنسبة للعايلة كلها لأبعد الحدود ... قليل الهرج ..ويازين هسترته ... صديقي خشف زينه كلن يستغرب منه ما شاء الله عايلتهم معروفة بوسامة رجالها و حريمها <<< وشتقصد ؟؟؟
الوكاد ... صديقي هذا صادق بنات واجد طبعا البنات وشيبون غير انه مزيون و عنده فلوس و عايلتهم ما شاء الله خيرها تارس و فايض بره ... مع انه مسكين يقول لي ماودي بالمغازل ( المعاكس ) بس هن يقطن نفسهن عليّ ... الوكاد كان يبين للناس انه مستانس بس والله ما ذاقها صحيح ....
آخرتهاآأآ و انا زعلت للشي الي سمعته منه يعني حنا حسبة اخوان من زمان اعرفه توني اعرف انه مهو مرتاح و ما ذاق طعم الوناسة شوفوا ذا اصغرنا << و حنا نشتكي عنده رجاجيل والله متزوجين و اعيالنا ورانا و نطلب و ندق عليه بس يحلنا مشاكلنا سواء المادية و لا المعنوية ولا بالديوانية ولا بأي مكان و لو كنت ضايق حتى نستشيره بأمور هو ماله داعي يتدخل فيها مثلاً من الفراغة الي فينا و حبنا له ندق نقوله ( بنروح للسوق بنودي الحريم بس فلانة و فلانة و فلانة بيروحن السوق الفلاني و فلانة مرت فلان و فلانة و فلانة بيروحن للسوق الفلاني تقترح اروح بالجيب ولا السوبر ؟؟ ) خخخخخخ مهسترين حنا على الآخر ....
الوكاد ما اطول عليكم .... توني عرفت ان حبيب القلب مهو مرتاح بالسوالف ذي كلها ( البنات ) صحيح ان البنات الي يكلمهن و يكونوا بره العايلة لان الحبيب لاحق على بنات عمه و بنات خالاته و بنات من الجماعة و بنات الحارة كلهن خخخخ يعني منتهي الرجال مرغوب ... البنات الي بره العايلة يسون المستحيل لاجله مثلا" : يشترن له ,يدزن له هدايا , فلوس, مسجات ,و يدقن عليه , و يكلمونه بالبلاك بيري , و الايميلات , و الفيس بوك , و المنتديات , و الشاتات , و الدنيا ذي كلها ... غير الي في المدرسة هو بمدرسة خاصة يحلن له و يضبطن المدرسين له , و يغششنه ... وهو ذكــي بسم الله عليه لو ماله خلق و سهران يعرف يضبط سواء بنات ولا شباب ....
ادري كلكم تقولون بعد وشيبي مدرسة وناجح , و فلوس و الكترونيات و بنات عنده , بعد وشيبي ؟؟؟
هو لأول مرة يعترف لي او يعترف لاي شخص باي شيء بقلبه ....
في فتـــرة مــرت على صديقي اختفـــى فيها عن الانظــــار هو كان مآكـــل الجــــو حقنا بالعايلة و بـــره العايلة ... لا سمعنا اخبار و لا جانا مرسال و لا شفنا شي يبشر ... حتى تلفونه دايم مغلق .. المنتديات ما يدخل ... الفيس بوك ميـــح .... التويتر ما من طب .... اهله خواته خواتي يقولون اختفوا من الوجود ... ما في لهم كلهم شيء لو انه ميت بسم الله عليه كنا سمعنا بخبر وفاته بس ما من شيء .... انا ما قدرت اتحمل رجال فزع معنا بأمور كثيرة لزوم نشوف وشفيه ... كانوا اخواني الكبار رجاجيل اعيالهم يمكن كبره او اصغر منه كانوا يبون يجون معي بس يشوفون وشفيه ليه ما عاد يرد علينا يمكن زعلان ولا ضايق منا ؟؟؟ .... بس أنا حاولت و منعتهم كنا بفترة امتحانات نص السنة السالفة مهي قديمة توها بالسنة ذي ...
الوكاد رحت انا وابوي و واحد من اخوانــي راسه يأبس ما اقدر عليه كأنه بدر بس اخوي اهدأ اشوي خخخخخخ
الوكاد وشصار يا قوم وصلنا لبيت صديقي و لما رحنا سألنا وينه ؟؟ العادة : لا سألنا قالوا طالع ولا مسافر ولا قريـب و يرجع , ولا بالشركة , ولا بالمجمع , ولا الجمعية ماخذ الوراعين العصر , ولا المطعم , ولا ..... بس ما توقعت يقولون لي انه فوق بغرفته مصيبة كارثة ( فلان ) بغرفته ؟؟؟ لا الموضوع خطير وشفيه مريض ؟؟؟
ابوي انصدم اول ما قاله ولد اخوه ان فلان بغرفته قال ( لا حول ولا قوة الا بالله ) حتى كلنا ضحكنا ليه الولد بغرفته ماهو ميت الله يهداك ....
الوكاد نطرناه نطرناه بس ما نــزل لــنــــا ...
آخـــر شي قال خلوه يجيني لحجرتي انا مالي خلق انزل ..انا دخلت مع ولد اخوه و سلمت على اهل البيت كلهم معارفنا و صعدت له شفته الا ما فيه الا العافية بس ماله خلق احد مبين عليه التعب و السهر و مبين عليه آثار الحزن و الكآبة ... حبيت افتح مع موضوع هو مهما كان صديق عمري و افداه بروحي ياما وقف معي وقفات رجال ... فتحت له موضوع عن البنات خخخخخ مسوي خير يا اخوي ... نظر لي بنظرة ماهقيتها تطلع منه ممكن تطلع من الجدار بس ما تطلع منه ... قالي : غير الموضوع ...انتوا تحسبون اني مستانس من مخفر لمخفر و من فضيحة لفضيحة ..؟؟؟ .. أنا جتني مثل الصاعقة كمختني على وجهي قلت : وشتقول ؟؟؟
قال : بلاك ما تدري كل بنتن تبلا علي ولا شافتني بالمخفر قامت نقزت علي تحضني ...ولا بالمدرسة البنت لا لمستك و لمتك ما قالوا لها شيء بس المسها انت تقوم الدنيا ولا تقعدها الا لا عزمتها على شي قدام خوياتها ولا تمشي معها قدامهم ولا تطلع معها ولا تكتب فيها قصيدة ... لدرجة ان الناظر يقعدني عنده بالمكتب و صاروا البنات يدخلون الادارة و صارت الادارة فوضى ثم قام و فصل البنات عن الشباب و حط صفوف البنات تحت و حنا اصفوفنا فوق بس عشان يفتك من المصايب الي تجي من وراهن ...
انا تأزمت و احتقرت البنات الي اعرفهم انا معرفة شخصية و هن من الجماعة ... و انا صراحة مادري وشاقوله انا كنت يعني احسد اهله و احسد الناس الي حواليه رجال عن مليون رجال يصدمني بتصرفاته و رده على الرجاجيل بالديوان رجال شاعر و مثقف و مجنون و عاقل وشلون مادري ؟؟؟ يصير فيه جذا ....
مــــرت لحظــة صمت هو كان فيها قاعد على السرير و متغطي و حاط الطاولة حقت اللابتوب قدامه و انا كنت قاعد على السرير قدامه ... سكر اللابتوب و نظر لي بنظرة حادة ...
قال : فلان ... وشفرق البنت عن البنت ؟؟؟
قلت : وشلون يا ابوي ؟؟
قال : وشفرق المطيرية عن المطيرية ؟؟؟
قلت : انجنيت <<< ابوك يا الاسلوووب
قال : اكيد ... اسمع يا فلان ...انا الي خلاني جذا بنت وحدة ...صديقة اختي اصغر مني بواجد ..اخته ذي يغليها و تغليه و دوم هو معها و لا يخش عنها شيء مع انها اصغر منه و هو بسم الله عليه مصادق خواته الي اصغر منه و الي اكبر منه يعني انسان ذهبه قليل بحقه ....
بس البــــلا ويـــــن ؟؟؟ انه قال لاخته مستحيل تكون بنت مثل الي تكلمين عنها هو كان متوقع ان البنات كلهن ع وتيرة وحدة ..و اي وحدة يحطها بباله يجيبها ...
بس مـــن بـــعـــد ســـالــفـــة صارت في بيتهم اتجهت اخته للبنت ذي كونها خويتها و بتنصحها و بعدين اخته تموت فيها و تنسى الدنيا لما تكون معها <<< الحب الماصخ الي عند السحالي خخخخخخ
وهي كانت تكلمها على الايميل يقول اختي خلت لابتوبها و نزلت تحت و هو دخل غرفتها و شاف اللابتوب شغال اخذ اللابتوب و قعد يفتش و قعد يلعب و قعد يتونس و قعد يشوف هي وشبايقه من صورة ... الا تطلع له محادثة البنت ذي هو وشلون عرف ان ذي البنت المطلوبة ؟؟؟
أولا : لان اخته كانت تغزل فيها و كانت تقولها كلام حلـــو أكثر من اللازم
ثانياً : لان اخته مسويه للبنت ذي ايميل خاص من شدة حبها لها
ثالثاً : اخته قايلة له ان البنت ذي بخطبها لك و هي زوجتك المستقبلية و كانت جايبة السيرة ذي لما كانت تتكلم مع البنت و طبعاً البنت وشقالت (( لاااااا فلانة كم مــرة أقولج مابي أخووووج ... انا مابي بـــدوي )) <<<< أقول بس يا حظج دامج بس انقال لج زوجة فلان لج شرف يا بنت الناس
الوكاد يقول صاحبنا أنا اول ما شفت اسلوب البنت صعقت .... تعرف الدلع امزجه اشويه مع الذرابة امزجه اشويه مع الغرور امزجه اشويه مع التواضع امزجه اشويه مع الحلا امزجه اشويه مع الثقــــــل <<< كم ساعة احطها بالفرن خخخخ ؟؟؟؟
الوكاد يقول البنت طلعت خيـــال .... و هو كان يكلمها على انه اخته و سوالف تجر سوالف و هو كان يحاول يبين لها انه ولد ببعض الكلمات .... ابشوف البنت ذي وشمعدنها ؟؟
مستحيل تنوجد الكاملة ؟؟؟ <<< انا معك يا طويل العمر ....
يقول المهم خلصت المحادثة الاولى تخيلوا طوال المحادثة كانت تحاول تسكر معه و هي ما تدري انه ولد كانت تبي تفتك منه كاخته مثلاً تحاول تحاول ليما قدرت و تخلصت منه ...
يقول من بعد المحادثة مسكت الايميل و رحت لجهازي و هكرت الجهاز ما طولت يمكن ساعة ساعتين خلصت اكتشفت ان البنت الي قالت لي بنام جذبت علي و قعدت تسولف مع بنات ثانية فتحت السبيكر و الكاميرا ... السبيكر كنت اسمع بعض الاشياء سمعت صوتها صوت اهلها صوتها تسولف بالتلفون ... اما الكاميرا فكانت مضببة و لا يطلع منها شي اكتشفت انها حاطة لزقة سويت مسح شامل للابتوب ادور صور لها ما لقيت اي شي يخصها ما لقيت كل الي لقيته صور اثاث و مكياج و ملابس و موضة و تزيين الدفاتر و اغاني انقليزية ما فيه اي شي عربي عندها ....
يقول : من قبل انا استعبط مهكر ملايين الاجهزة اقعد استعبط عليهم من اول ما تعرفت عليها مسحت كل الاجهزة الي عندي و ما بقالي غير جهازها ...
يقول : بنت والله يا فلان بنت ما احد يمسك لابتوبها يفتشه و ما فيه من الي انت خابره شيء فاضي ما فيه غير الاشياء الي قلتها ... احاول اطلع لها شات تطالع فيه و تسكره احاول اخرب الامور عليها عشان بس تدخل على الشات هبلت فيني مستحيل البنت ذي تكون موجودة ... بس ما تدخل ,,,من بعد اسبوعين او اكثر معها يمكن تعديت الاسبوعين و انا ادخل معها .... و كان دخولها للانترنت قليل قليل بالحيل و انا اتمنى انها تدخل افرح لا سمعت ضحتكها على نكت و ابتسم لا سمعتها تشهق وهي تبجي على رواية قراتها ... يعني بنت ما تدري عن الحياة شي ولا تدري وين الله قاطها هاذي اول فكرة خطرت على بالي .... حاولت اني اكبر الاختبار ....
يقول : بديت اعلمها بوجودي كالعادة انا احب اعلم المستخدم الي انا مهكرة بعد ما اخذ الي ابيه ان الجهاز المهكر ... الوكاد يقول نطرت نطرت نطرت ايااااام الين شبكت و كنت مجهز لها قصيدة حطيتها على سطح المكتب و غيرت اسم username حقها يعني سويت اشياء بسيطة عشان الي مثلها يعرف .... اول ما شافت البنت سكرت الجهاز من دون ما تتكلم بأي كلمة و بهدوء .... و بنفس اليوم المساء كلمت اختي بالايميل و سألت انت دلال ؟؟ .... و حاولت هي منيه مناك ليما قلت لها ان انا اخوها و سالتها سؤال ( انتي منهو مربيج ؟؟؟ ) و اصدمتني البنت بتربيتها بنت وهي تكلمني احس العقل منها و فيها مهي مثل الخرفان الي اكلمهم .... كانت بالحيل مغرورة كنها هي الي مهكرتني مهو بأنا .... و كانت مستفزتني بالحيل بطريقة اسلوبها معي كنها تقولي ( اني احسن واحد بالهكر لكن مهو عندها عند الناس و اني انا اتفه واحد بالكون و اني اضيع وقتها لانها كانت داخلة عشان تطلع صور لمادة من المواد ) الوكاد سكرنا المحادثة و اول ما صكيتها و رب الكعبة ما حسيت اني ممكن اذبح الي قدامي الا منها انا الي ما يهزني ريح تجي ذي تهزني بكلامها ولا بعد كانت تكتب يعني ما سمعت منها شي ... والله اني ما عرفت وشاسوي حسيت اني متهاوش مع مليون يمكن مليونين و يمكن اكثر ... كنت معصب بالحيل كني تنين اشوي و انفث النار <<<وين مروح يا ابن الحلال ؟؟؟
الوكاد يقول : في حياتي كلها ما قابلت بنت حسستني اني لازم انزل راسي لما اشوفها ... و رب البيت خلتني استحي ... ما قدرت اطالع امي ولا اختي و لا حتى نفسي بالمراية ...كنت حابس نفسي بغرفتي و لا اطلع ولا اروح ولا اجي و الجهاز مغلق و اللابتوب مفتوح انطرها تدخل ولا تشبك وتسوي شيء بحاول اعتذر بحاول اسوي شي على الأقل ابي رد اعتبار خخخخ .....
إلا أن قامت القيامــة .... البنت ذي اعتقدت ان اخته متفقة معه على انها تعطيه الايميل و تخليه يكلمها ... فبدأت توخر عنها و تجاهلتها اخته بغت تموت و ودوها المستشفى و صار فيها هبوط المسكينة و لما رجعت البيت راحت عند حبيبها اخوها و قالت له السالفة كلها و صارحها بكل شيء البنت قامت تصرخ ( ليه و ليه و فلانة مهي من النوع ذا و انت وشسويت لا فلان انت تجذب صح !! ) يعني البنت خلاص انحبس هواها ما تقدر سمع خالها اسم الله عليه امام رجال مصلي و مسمي يقول خالها : دخلت لقيت اخته تبكي و لقيته واقف معصب و طلع لما شافني و قعدت مع اخته و هديتها و قريت عليها و لما هدت عرفت منها السالفة والله ما تقول كلمة الا تشهق من البكي و الحسرة خايفة تفقد البنت و هي مجننتهم فيها انا عارف البنت ذي و عارف وشتحب البنت ذي و عارف وشتكره البنت ذي و عارف اسلاف اسلافها بسبة اخت صديقي كانت تعشقها من ايام المتوسط شافتها مرة و حبتها و اغرمت فيها و عشقتها و قعدت طول هالسنين ذي و هي تحبها و تحاول تقرب منها و السنة ذي قربت اكثر و اخذت ايميلها و شف المصايب تنهطل عليها المسكينة ... يقول الخال قمت و رحت عند فلان الي هو صاحب القصة يقول قبل لا يدخل قال : خالي ذي المحادثة و ذا الشغل كله و ذا الايميل تقدر تمسحه يقول الخال : انا صراحة استغربت من ان فلان ممكن انه يسوي كل ذا عشان بنت و هو الي معروف عنه انه راعي بنات << ما يشرف خخخخ و ان البنات هن الي ماذينه يقول : و انا من زمان كنت ابي اشوف معدنها <<< حتى انت يا الخال و انا توني اقول عنك مصلي مسمي ....
يقول صاحب القصة صديقي : والله ان خالي كانت يقرأ المحادثة و يضحك و لا يصفق و لا يقول ( بعدي والله ) ولا يقول ( ماشاء الله ) و لما خلص مسح المحادثة و مسح كل شيء ثم طالع فيني ... قال شف انا لاني خالك ولا اعرفك البنت ذي اهم منك و انا خالها بعد وهي حسبة اختك بالنسبة لي والله لا اشتكت من شي في جهازها والله لاكسر جهازك فوق راسك وانسيك اصول الهكر كلها .... يقول انا انصدمت خالي يوقف ضدي عشان بنت لا يعرفها ولا يقابلها ... يقول الخال : والله ما كلمتك هالشكل الا عندها رجال تستند عليهم و ما ذكرتهم لك بالمحادثة الا عشان ترهبك فيها والله يا فلان ان عندها اشياء كثيرة تبغي تسويها بس كانت تبغي تعرف انت وشآخرتها معك وشتقدر تسوي بعد ؟؟؟ وشعندك شيء جديد ؟؟؟ <<< كل ذا يطلع منك يا الامام ... يقول صاحبنا : انا انصدمت الا صعقت ما عرفت وشاسوي خالي اول مرة يكلمني هالشكل ....و انا اشهد خالك مدلعك و هو الخال الي لزوم نسميه خال لا خلا و لا عدم منه .... يقول صاحبنا : منع علي الروحة لمدرسة اختي و قال خلني انا اوديها ولا تروح مع بنات عمها يعني صار خالها صحيح
ام فلان زعلت عليه بعد قعدت اسبوع كامل ما تكلمه ولا تسولف معه ....
لثلاث ايام كان صاحبي بحالة صدمة ( أهله ) ( البنت ) ( اخته ) ( البنات ) ( هو ) !!! يعني صاحبي فووول ... ما كان متصور ان فيه بنت مثلها ... أبكم البدوية ما سوت مثلها ,,,,, بالنسبة لي انا مستر مهستر حاله ما يسرنــــي ,,,,,
قلت له : رح اخطبها ...قال : انا ما احبها ....قلت : أجل ؟؟ .... قال : انا لحد الحين تحت تأثير صدمتها ... البنت غيرت حالي بثواني و علمتني اشياء ومعاني و خلتني اراجع حساباتي ....
طبعاً دور الخال خاله : انه حرمه من كل شيء السيارة , المطعم , الفلوس , الطلعة , السفرة , كل شيء كان يبيه ...
و الي صدم الخال ان فلان ما طلع نفسه مثل كل مرة و التزم بكل شي صار كنه المرأة الي متزوجن عليها وشلون في حالة صدمة لما درت انه رايح معها شهر عسل و مخليها مقطوطة عند اهلها ....<<< انتوا معي على الخط !!!
بعد مـــرور اسبوع و نص بدأت العلاقات بين أخته و البنت ذي تتحسن .....
و هو كالعادة رجع صــايــــع ضـــايـــــع
في يــــوم صادفته و سألته عن البنت ...
قال مبتسم : ممنوع علي المرور بشارع المدرسة بعد ما صادني خالي اودي اختي كل يوم الصبح اشوف البنت بدون لا يدري خالي .... و الحين افا عليك اروح كل يوم بسيارة اتسلفها من واحد من اخوياي عشان هي ما تعرفني و عشان خالي ما يعرفني و اتم اراقبها و اتمنى انها تزل في يوم من الايام عشان تدخل من بــالـــي ...
يقول هو : انت تشوف البنت لا وقفت بالهدة مع خوياتها تبوسم تضحك نظرة منيه ابتسامة منيه و مع اهلها مكشرة تقول ذكروا ابليس ... أما هي العكس مع رفيجاتها مكشرة و ضايق خلقها حتى خويتها تقول لها ( فلانة وشفيج معصبة ؟؟ ) ( قالت شمس بعد ) ( قالت لها حياتي انتي الشمس تخليج معصبة جذيه ) ( قالت حارة اكيد تخليني معصبة ) ( خلاص تعالي معاي داخل ) ( قالت ما يحتاج روحي بروحج انا اهلي يصفطون بعيد بس انا عناد فيهم الا اخليهم يصفطون عند باب المدرسة ) و لا بعد كنت مشغل بنات بالمدرسة من الي اعرفهم و امون عليهم عشان يراقبونها و يشوف وشلون تتصرف لان بالمدارس فيه مسترجلات قلت يمكن هي من ذا النوع بس كل المحاولات بائت بالفشل ... ولا صفطت سيارتهم اذا جتها امها تبتسم نص ابتسامة لانها ما تشوف شكل امها القزاز مغيم و اذا جاها ابوها تبتسم ابتسامة كاملة لان القزاز شفاف و اذا جاها اخوها تضحك لما تقرب من السيارة لان سيارته مادري وشلون جايه و هو يضحك البطة <<< مادري وشسالفتك انت وياها مجنون حتى حافظ الله يسلمك ؟؟؟
و هو لازال مع ذي البنت يراقب و يشوف و يحاول يعرف اي موضوع عنها يخليه ينساها و يمحيها من الوجود ...
حتـــى سمعنـــا موضـــــوع الهــــوشــــــة ...
صرحت الوكالة المهسترية ان صديقي دخل بهوووشة و انا ما كنت معه للفزعة ...
الوكاد اسمعوا القصة ....
يقول صديقي : انا كنت قاعد مع خويي الي جاي ياخذ سيارته و هو عزيز و غالي و رجال طيب الوكاد جاني وقعد عندي بالديوان و نسولف و نتقهوى الا على دخلة ولد عمه ( مكروه الله يكرهك ) حبيت اعرفهم على بعض و جذا قلت : هلا والله اقلط اقلط .. قلت لخويي : ذا فلان ولد عمي و قام خويي يهلي فيه و الحمد لله انه سلم عليه و جيت ابي اسلم عليه من زمان ما شفته ولد عمي الا يقولي : لا لا لا انا ما اسلم عليك انت منت برجال !! يقول صدمني و قعدت اطالع فيه يقول خويي استحى من الكلمة ذي و يمكن هو الي عصب و شهق لما قالها و قاله : وشمهو برجال انت صاحي ؟؟؟ <<< لا والله يا ابوي مهو بصاحي الا مجنون ..... يقول صديقي : ما حبيت اكبر السالفة و خويي سبحني بره و قعد يهديني عشان ما اجرم فيه ((( ابوووك يا الارهابي ))) الوكاد ان قعدنا بالمجلس الي بره و اخذ سيارته و طلع انا رجعت و انا ناسي السالفة وولد عمي كان مستعد للدفاع و الهجوم
قال : حي الله شاهين جيت اعلمك اصول الرجولة ؟؟؟ يقول انا عادي عندي يقول الي يقوله انا ماحيه من الوجود و بعدين هو دايما ينكسر شيء فيه بسبتي و انا مالي خلقه توني مستانس مع خويي ومابي اعكر المزاج ... يقول توني بروح الا يقول : اقول جاي تصير علينا رجال تحسب قعدتك بالديوان الرجاجيل رجولة ... ( يقول ما عطيته بال و كنت ابدخل البيت ) فلان ... اسمع عطني ايميل البنت الي شغلتك عندها ... فلانة ... يقول صاحبي : ما عرفت وشاسوي تجمدت بمكاني وشلون ذا يعرف عن الموضوع ؟؟؟ وشلون يعرف اسم البنت بعد ؟؟ قال ولد عمي لما شافني انتبهت : والله لاجيب راسها دامك منت رجال حتى الضيف استحى وراح ... يقول انا لفيت عليه و كنت بمحيه من الوجود توقعت انه بوقفتي قدامه بيحفر له قبر بس كان واقف قدامي و قالي : انا مستعد اعلمك الرجولة .. جيب الايميل و انا اجيب لك صورها و اجيب لك صوري معها بس عطني الايميل ...يقول صاحبي : انا ما حبيت اخذ و اعطي معك لانك منت صاحي و مزاجي متعكر و انت اهلك يبونك و اذا كنت بتسوي كل شيء تقوله و انت تعنيه فخوذ الايميل من اختك ... ( لانها معها بالمدرسة و هي تعرفها قبل لا اخته تعرفها ) قال : لا انا متعمد اخليك تعطيني الايميل عشان اعلمك انا وشاقدر اسوي بفلانة كونها مشغلتك عندها ...
صديقي حاول يمسك حاله بس الكلام الي ينقال كلام قوي بالحيل و هو قال ان فيه كلام اقوى انقال بس ما يجوز نقوله بجذا راعي الشماغ بيسحب عضويتي ولاااااا عاد ما يصدق راعي الشماغ يبغيها من الله !!
الوكاد وشسوى الحبيب قعد هو وولد عمه يتهاوشون ولد عمه كان معه سكين و هو لقى عجرته و تهاوشوا صويحبي انخدش على خده و ولد عمه انكسرت رجوله بس الي يضحك انهم كلهم اخذوا صويحبي للمستشفى و خلوه مقطوط يبكي عند الحوش ليما جت امه و اخذته للمستشفى ....
و يقول خاله الامام و يسحب السيارات مرة ثانية ... و ما علموا اي احد عن السالفة الحقيقة عن الهوشة بس المعروف ان قاله ( ماابغي اسلم عليك انت منت رجال ) بس
قبل ايام يوم او يومين عرفت ان صديقي مع ابوها بالحيل و يساعده في تجارته بحكم انه عنده مشروع جديد و قريب ينزل في رمضان ان شاء الله ....
و المفاجآة وينها ؟؟؟ ان عايلة البنت ماخذين من عايلة صديقي و يعرفون بعض بس البنت ماتبي تعرف عليهم ولا تبيهم <<< مادري ليه ابك احمدي ربك يا بنت على النعمة الي عندك تراه رجال عن مليون رجال لا تقولين بدوي والله ما نفعك غير البدو ابك ابوك بدوي
