صحيح كل اللي يحبون عميان ... لخويي مع القصة

الهامي بالأول كان خويي

كنا بالمدرسة و حنا مدرستنا امريكية و خاصة يجوز فيها الاختلاط و كان خويي اول مرة ينهبل هالشكل على بنت و كان يتكلم عنها تقول انها ملاك ملاك بمعنى الكلمة حتى انا فكرت اضبطها قلت له ورنيها بشوفها و بضبطها كون انها ما تعطي صاحبي وجه

اشر لي على بنت جوتيي ازين منها وقفت منصدم اطالع فيه قال والله انها حلوة و تطيح الطير من السما و الله لولا ما حنا بمدرسة كنت دفنته مجننا عليها و انا كنت شاد الهمه و رايح بضبطها و مخلي التهريبة و رايح اشوفها والله لو اني محشش ما اطالعها

كتبت له الابيات و لما دزيتها له قالي حرام عليك انت ما عندك ذوق عمي ما تشوف انت ما شفت عيونها انت ما شفت وجهها انت ما شفت و ما شفت ... قلت له آخر شي بالمحادثة صحيح كل اللي يحبون عميان

أبشرك جرحك ثمن غلطتي فيك
ولا أنت ما تجبر على حبك إنسان
اليوم لا بشكي ولا بندم عليك
فعلك مضارع بس حبك خبر كان
عن قسوتك ما عملت قسوه ايديك
صحيح كل اللي يحبون عميان

و اللي يدبل الجبد انه جايب لها ورد و راجع لنا زعلان ليه ان شاء الله قال شكلها غارت من الورد حتى الورد ذبل من جمالها قلت لا والله خوفا منها

» قصيدة غزلية وواقعية مع القصة